IPhone 11 VS IPhone se
طبعا متعودين فى شهر سبتمبر فى ميعاد ثابت ومحدد جدا شركة ابل بتعلن عن عائلة الأيفون الجديدة .
سبتمبر السابق تم نزول الـ IPhone 11 Pro Max طبعا عندنا درجات وفئات من الايفون لكن دا يعتبر اكبرواحد واغلى واحد مع أعلى المواصفات .
لكن هذه السنه إستثنائية ولأول مره من سنين نشوف موبايل يظهر لنا فى نص السنه وهو الـ IPhone SE دا يعتبر مش موبايل عادى وخلاص انما دا يعتبر أرخص ايفون من أبل من فتره طويلة جدا .
لكن المثير للاهتمام ماهو الفرق بين الـ IPhone SE و IPhone 11 Pro و الفرق فى السعر ما بين الموبايلين يعتبر جنونى الـ IPhone 11 Pro بيبدا من 1100 دولار و الـ IPhone SE بيبدا من 400 دولار .
فرق رهيب جدا ما بين الموبايلين تقريبا تلت أضعاف السعر ما بين الأتنين .
طبعا وبكل تأكيد الـ IPhone 11 Pro أحسن لكن هل هو أحسن ب 3 أضعاف من الأيفون الرخيص ؟؟
أعتقد ان اسهل جمله هتعبر عن هذه المقارنه إن احنا نتكلم عن الفرق من اللى انت محتاجه واللى انت عايزه !!
بمعنى ان انت فى اى تليفون اكيد محتاج موبايل يكون مصنوع كويس ومصنوع بمتانه وفخامة نوعا ما الـ IPhone SE فيه كل الحاجات اللى انت محتاجها من هذا الجانب موبايل مصنوع من فريم من الألومنيوم من معدن قوى ضهر مصنوع من الزجاج شكلة موبايل فى الايد ممتاز جدا .
ولكن إنت ممكن تكون عايز فريم مصنوع من الإستنلس تيل أقوى أكتر بيدى وزن وفخامة أعلى للموبايل وضهر مصنوع فروست عشان ماتعلمش عليه البصمات بسهوله والازاز كمان اقوى ودا اللى بيقدمهولك الـ IPhone 11 Pro .
هل الحاجات دى إنت محتاجها ؟ مش بالضرورة ولكن موبايل بيديلك حاجات احسن
الجهازين عليهم مقومة الغبار والمايه الـ IPhone 11 Pro بيجى عليه IP68 لك الـ IPhone SE بيجى عليه IP67 الفرق مش كبير اوى لكن السؤال هل هتحس بالفرق ؟ لا إطلاقا الفرق مش كبير اوى.
محتاج ايه تانى من الموبايل ؟ أكيد محتاج شاشه كويسة لان هى دى اللى هتتعامل معاها طول الوقت ودا اكبر فرق ما بين الجهازين .
بالنسبه للـ IPhone SE فبيجى بشاشة قديمه فعليا وبحواف كبيره جدا وشاشه صغيره وطبعا احنا تخطينا الموضوع دا مع التطور الملحوظ بقلنا كذا سنه والشكل دا اقل من الاحتياجات المطلوبه فى 2020.
بالنسبه للـ IPhone SE فبيجى بشاشة قديمه فعليا وبحواف كبيره جدا وشاشه صغيره وطبعا احنا تخطينا الموضوع دا مع التطور الملحوظ بقلنا كذا سنه والشكل دا اقل من الاحتياجات المطلوبه فى 2020.
احنا مش بنتكلم عن التكنولوجيا المصنوع منها الشاشه احنا بنتكلم عن شكل الشاشه وحجمها ولكن لو تخطيت هذا الجانب فالشاشه ماتعتبرش سيئه مش هتواجه مشكله مع الشاشه كل حاجه فيها واضحه وشارب ولكن شكلها هو اللى قديم جدا بصراحه
هى دى النقطة الاساسىة كنا نتمنى ابل تشتغل عليها اكتر من كدا فبالتالى الـ IPhone 11 Pro بيديك هنا قيمه اكتر بتلت مرات فعلا انما لو مش فارق معاك فالـ IPhone SE هيغطى احتياجاتك.
نتكلم عن الاداء وتحديدا فى هذه النقطة ابل مقصرتش تمام فى الموضوع دا الاتنين بيجو مع نفس البروسيسور الـ A13 BIONIC فى فرق طبعا فى الرام لصالح الـ IPhone 11 Pro ولكن مع الاى او اس نظام تشغيل ابل مش هتحس بالفرق دا لو بتستخدم اى موبايل من الاتنين.
نفس السوفت وير على كلا الجهازين بنفس الفيرجن وهتلاقى نفس السلاسه والسرعه
مش هتحس اى فرق بين الاتنين .
نتكلم عن الكاميرا واكيد فى فرق واضح ما بين الموبايلين الـ IPhone 11 Pro بيقدملك تجربة افضل لوجود 3 كاميرات من الخلف بفرق ملحوظ عن الـ IPhone SE اللى بيقدملك كاميرا واحده من الخلف فقط .
لكن لو جربنا الكاميرا الاساسيه فى كلا الجهازين فى الطبيعى مش هتحس بفرق كبير
لكن لو عملت زووم هتبداء تحس بفرق واضح لصالح الـ IPhone 11 Pro فرق فى الشارب والتباين والالوان والتفاصيل اكتر.
وطبعا فرق اخر بوجود كاميرتين إضافيتين تقدر تعمل زووم 2X او Wide Angel فرق واضح كمان فى البورتريه.
لكن فى الفيديو الجهازين ممتازين الصراحه بفروق بسيطه لصالح الـ IPhone 11 Pro.
نتكلم عن البطارية فى النقطه دى تحديدا الفرق ما بين اللى هتحتاجه واللى انت عايزه ودا هيعتمد على طريقة إستخدامك للجهاز .
الـ IPhone SE هيقدر يغطى إحتياجاتك وهيكمل معاك اليوم بشكل كويس
اما الـ IPhone 11 Pro هيغطى معاك إحتياجاتك بشكل أفضل بإمتياز البطارية هنا مش بتخلص فعليا تقدر تكمل بيها يومين لو استخدامك خفيف او متوسط وتقدر تكمل معاك اليوم تحت ضغط بشكل رائع فا فى فرق واضح للـ Pro .
غير كدا بقا الجهازين بيدعمو الشحن السريع بسرعة 18w من ابل ولكن الميزه هنا لصالح الـ IPhone 11 Pro لان الشاحن معاه فى العلبه اما الـ IPhone SE معاه فى العلبه شاحن 5w وايضا كلا الجهازين بيدعمو الشحن اللاسلكى .
الجهازين كمان بيدعمو البلوتوث 5 والواى فاى 6 ودا كويس جدا .
الجهازين بيدعمو سماعات استريو.
الخلاصه لو انت عايز الـ IPhone 11 Pro وتقدر تشتريه فا دا هيقدملك تجربة ممتازه
اما لو انت محتاج ايفون ومش قادر تجيب الـ IPhone 11 Pro بسبب سعره المرتفع فالـ IPhone SE هيقدملك كل حاجه لو هتقدر تتقبل فكرة الشاشه .
تعليقات: 0
إرسال تعليق