بداية شركة شاومى ناجحه جدا فى السوق المصرى وبتتميز ان لها قاعدة جماهيرية كبيره وديما اسم شاومى مرتبط بالقيمه مقابل السعر وبالأخص فى سلسلة النوت بيبقى علية ديما طلب عالى والناس ديما عايزه تعرف مميزاته وعيوبه .
ولو جينا نتكلم النهارده عن Xiaomi Note 9s جهاز مواصفاته على الورق تزغلل عين المشتريين وتهزم كل المنافسين واللى بيقدموه فى الفئه السعرية دى وبالارقام .
معالج Snapdragon 720G
بطارية 5020mAh
شاشه 6.7inch FHD+
4 كاميرات خلفيه
النسخه الـ 64 جيجا مساحه داخليه + 4 جيجا رامات بـ 3333 جنيه
خلطة تهزم الجميع وبقوه ولكن!! الجهاز هنا بيثبت لنا فعليا ان الارقام مش كل حاجه وان الشىء الوحيد اللى تقدر تحكم بيه على الموبايل هى التجربه الفعلية.
تصميم الموبايل هنا كبير فعليا وعريض وطويل صعب الاستخدام بايد واحده فعلا لكن الشاشه الكبيرة هنا هتكون كويسه جدا على مشاهدة الفيديوهات والالعاب.
ضهر الموبايل شاكله جذاب جدا ملمس زجاجى لامع جدا وليه انعكاسات فى الاضاءه جيده ولكن ملمس الزجاج هنا مش فخم ذائد الايطار البلاستيكى اللى حوالين الجهاز مش بيساعد فى الفخامه دى .
قارئ البصمه هنا على الجنب مدمج فى زر الباور هو شغال كويس لكنه بطىء شويه وبيعمل انميشن فى فتح الجهاز وكتير بتعلق .
نتكلم عن الشاشه والشاشه هنا زوايا الرؤيا فيها غريبه شويه تقريبا اسواء زوايا رؤيا فى الفئه السعريه دى ونصيحه بلاش تشغل وضع الـ Dark Mood هنا لانه هيحسسك ان الجهاز رخيص نوعا ما خليك على الوضع العادى افضل عشان ماتشفش المناطق اللى بتقلب للون رصاصى فى وضع الـ Dark Mood وكمان هنا فى ضى اسود حوالين الكاميرا الاماميه غريب جدا .
نتكلم عن حساسية الشاشة لللمس بالاخص وانت بتكتب على الكيبورد سعات وانت بتكتب وبالاخص على الحروف اللى فى الاطراف ممكن يقرا او لاء وسعات يكتب حروف تانيه .
اللى هيدايق اكتر فى غير الكيبورد اثناء التنقل فى السوفت وير يبداء يقرى لمسات غلط .
لو اتكلمنا عن الصوت للاسف هنا سماعه واحده فى الاسفل وصوتها ضعيف وواطى جدا .
فى مشكلة بقا غريبه جدا فى البروكسيمتى سينسور ودا السينسور المسؤل عن غلق الشاشه لما تقربها لودنك السينسور دا مجنون هنا تمام سعات يكون الموبايل فى جيبك وتلاقيه بيطلعلك رساله شيل ايدك من على البروكسيمتى سينسور وسعات بتظهر لوحدها الرساله دى المفترض بتظهرلك عشان فى وضع كدا فى السوفت وير بيمنع الجهاز يتفتح وهو فى جيبك بس عشان السينسور فى مشكله فالرساله دى بتظهر فى غير محلها فابالتالى تقدر تدخل على السوفت وير وتلغى هذا الوضع ولكن ظهور الرساله دى معناها ان فى مشكلة فعلا فى السوفت وير .
نتكلم فى مشكلة كمان وجهتنا انك مثلا لو مشغل الواى فاى وبتعمل داونلود لشئ وطافى الشاشه الواى فاى بيفصل لوحده ومفيش اى تنبيهات بتوصلك انما اول ما تفتح الفون يبداء يشتغل عادى ودا عيب مؤثر جدا جدا على تجربة الاستخدام .
وبالرغم من العتاد القوى اللى موجود فى الجهاز الا ان الجهاز مش بتحس معاه بالقوه دى بل فى انيميشن بتهنج وتقطيع رهيب بيدمر تجربة الاستخدام لكن العيب مش فى السوفت ويير لان السوفت ويير بالواجهة الجديد على جهاز اخر من شاومى وهو الـMI10 وشغال رائع وفى نفس الوقت مش هنقدر نقول ان المواصفات ضعيفه مستحيل .
فالسؤال هنا لشركة شاومى العيب فين ؟؟
تعليقات: 0
إرسال تعليق